Kryeministri Edi Rama i ka mëshuar fort faktit se dje u shmang tragjedia me efektiven, pasi ajo ishte e trajnuar dhe e ka hequr në kohë reale lëndën plasëse nga qafa. I ftuar në emisionin “Java”, ai tha se efektives i ka rënë lëndë plasëse në qafë, dhe jo fishekzjarr.
“Nuk ishte fishekzjarr. Ishte lëndë plasëse, dhe i ra në qafë. Por ajo e hoqi dhe i shpërtheu në dorë, se po t’i kishte shpërthyer në qafë sot do ishim…dhe fatmirësisht nuk ndodhi”, u shpreh Rama.
“Vajza ka shpëtuar pikërisht se është e trajnuar dhe ka reaguar shumë shpejt. Lënda plasëse i ka rënë në qafë, dhe ajo e ka hequr me dorë, sepse ka të djegurën në qafë, dhe i shpërtheu në dorë, se po të kishte shpërthyer në qafë, sot do ishim….dhe fatmirësisht nuk ndodhi. Nuk është plagosje me fishekzjarr, është plagosje me bombë, pra plagosje e rëndë me lëndë plasëse”, tha Rama.