Gazetari i kronikës Flamur Vezaj, ka përcjellë një reagim lidhur me ekzekutimin e 26-vjeçarit Santiago Malko. Ai sot ironizon kryeministrin Rama dhe uniformat blu, për të cilët thotë se e kishin të pamundur të gjenin ish-kolegun e tyre të shpallur në kërkim, por që lëvizte i lirë.
Ai shkruan më tej se ish-policin nuk po e gjenin ish-kolegët e tij, por e gjetën vrasësit dhe e ekzekutuan. Gazetari Flamur Vezaj, në shenjë këmbane alarmi citon më tej se për ish-policin ka shkruar edhe më herët, ndonëse policia nuk e ka identifikuar dot. Ndonëse duket qartë në pamjet filmike të ngjarjes së ndodhur ne ish-zonën e Bllokut, ku ishte përfshirë ai dhe “shefi” i tij, Ervis Martinaj në Tiranë.
Me një mesazh kumbues, Flamur Vezaj shprehet se nëse Policia e Shtetit do ta kishte shoqëruar për ngjarjen në ish-Bllok dhe jo vetëm, sot nëna e tij nuk do e qante, dhe ai do të ishte gjallë.
Postimi i plotë i gazetarit Vezaj:
Rama: Henkshin kokat e njeri-tjetrit, dhe janë të lutur ta bëjnë!
Ja pra, ky është standardi i Rilindjes për parandalimin e krimit dhe vrasjeve në vend! Dhe si pasojë e këtij “slogani” te KM, Rama, dje u ekzekutua edhe Santiago Malko ne Tiranë!
Ish-policin që nuk po e gjenin ish-kolegët e tij, e gjeten “vrasësit” dhe e ekzekutuan! Kjo vrasje, sipas standardit te Rilindjes dhe citimit te KM është një frymëmarrje e lire për atë dhe pushtetin e tyre!!!
Se kush është ish-polici Santiago Malko, kam shkruar disa herë, edhe para se policia te thotë se “nuk po e identifikojmë dot” edhe pse duket qartë në pamjet filmike të ngjarjes së ndodhur ne ish-zonën e Bllokut ku ishte përfshirë ai dhe “shefi” i tij Ervis Martinaj!
I përfshirë në disa ngjarje në Tirane, edhe pse ishte ne kërkim, ai vazhdonte te lëvizte i lire, e te bënte edhe “badigardin” e Martinajt! A nëse policia e shtetit do ta kishte gjetur dhe shoqëruar/arrestuar për ngjarjen në ish-bllok dhe jo vetëm, sot nëna e tij nuk do e qante, dhe ai do te ishte gjalle! Por siç ndodh prej vitesh ne Shqipëri, me një sistem te kalbur te drejtësisë ku çdo gjë ka nje çmim dhe me efektivë policie (disa) të trembur nga kriminelet, skena te tille vrasjesh do vazhdojmë të shohim në Tirane e qytetet te tjera te Shqipërisë fatkeqësisht!
