Një aksident i rëndë ka ndodhur në Labinot-Fushë, 8 km larg Elbasanit. Një mjet ku udhëtonin 4 persona ka humbur kontrollin, ka dalë nga rruga e më pas është përmbysur.
Personat e aksidentuar, identiteti i të cilëve ende nuk bëhet me dije, ishin nisur për të bërë dializën në spital.
Personat në fjalë po udhëtonin drejt Qendrës Spitalore “Dr. Xhaferr Kongoli” në qytetin e Elbasanit. Por, në rrethana ende të paqarta, mjeti ka humbur kontrollin.
Të plagosurit janë transportuar me urgjencë në spital, ndërsa një prej tyre, (një grua) ndodhet në reanimacion, ndërkohë që të tjerët do t’i nënshtrohen dializës. Aktualisht policia po heton në lidhje me zbardhjen e shkaqeve të aksidentit.
