Shqipëria mposhti me rezultatin 2-1, Kosovën ditën e sotme në “Elbasan Arena”, në miqësoren vëllazërore mes dy përfaqësueseve.
Për Shqipërinë shënuan Bekim Balaj dhe Myrto Uzunin, ndërsa për Kosovën golin e vetëm e shënoi Vedat Muriqi në minutën e 85’.
Sulmuesi pas një dyluftimi me mbrojtësin Çepele, rrëzohet në zonë dhe arbitri akordon penallti, pavarësisht se lojtarët e Shqipërisë nuk janë dakord.
Pikërisht këtu regjistrohet edhe një moment i veçantë, teksa kamerat fokusojnë një moment, kur Muriqi i thotë Alban Hoxhës dhe Çepeles: “Po, për Zotin është penallti”, dhe pas kësaj merr topin dhe shkon ta gjuajë nga pika e bardhë e 11-metërshit.
