Ashtu siç pritej, uragani Irma ka goditur brigjet jugore të Floridas, pas goditjes së Kubës.
Guvernatori i Floridas, Rick Scott ka urdhëruar nëpërmjet një konference për shtyp evakuimin sa më parë të 6 milionë banorëve, ndërsa e ka cilësuar uraganin si vdekjeprurës.
Stuhia po vepron me shpejtësi, ndërsa pritet që dëmet të jenë kolosale, teksa gjatë natës ka ardhur në rritje duke arritur në kategorinë 4, me erëra deri në 257 km në orë.
“Stuhia është këtu. Era e fortë dhe shirat kanë filluar të godasin jugun e Floridës. Evakuohuni që tani, jo pas një dite jo pas një ore, tani! Kjo është një stuhi vdekjeprurëse dhe shteti ynë kurrë nuk ka parë ndonjë gjë të tillë!”, ka thënë guvernatori.
Banorët janë në panik, për shkak se rrezikojnë jetët tyre. Deri më tani uragani “Irma” ka marrë 14 jetë në ishujt e Karaibeve, kurse bregdeti i Kubës është pothuajse i shkatërruar.
