Një 55-vjeçar është vënë në pranga nga policia, pasi po ndërtonte pa leje një brach bar në plazhin e Velipojës.
Shtetasi i identifikuar me inicialet S.H. u arrestua në flagrancë, pasi është konstatuar duke ndërtuar pa lejen përkatëse, një beach bar me konstrukt druri. Ai akuzohet për veprat penale “Ndërtim i paligjshëm” dhe “Pushtim toke”.
”Nga shërbimet e Stacionit të Policisë Velipojë, në vijim të kontrolleve për lirimin e hapësirave publike në bregdet, u arrestua në flagrancë shtetasi: S. H. 55 vjeç banues në lagjen “Salo Halili”, Shkodër, për veprat penale “Ndërtim i paligjshëm” dhe “Pushtim toke”. Arrestimi i tij u bë pasi është konstatuar në Pulaj Plazh, Velipojë, Shkodër, duke ndërtuar pa lejen përkatëse, një beach bar me konstrukt druri.”, informon policia.
Materialet iu referuan Prokurorisë së Rrethit Gjyqësor Shkodër, për veprime të mëtejshme.
