Një person është vënë nën hetim pasi tentoi të ndërtonte një memorial për Konstandin Kacifas që u vra nga policia vitin e kaluar në fshatin Bularat, pasi hapi zjarr drejt RENEA-s.
Report Tv raporton se janë referuar materialet pranë gjykatës për Vangjel Barkën banues ne fshatin Bularat, bashkia Dropull pasi në vendin e quajtur kodër mbi fshatin Bularat ku u vra Kacifas ka ndërtuar një bazament betoni.
Vendi ku është ndërtuar bazamenti përkon me vendin ku është vrarë Kacifas me 28 tetor të vitit të kaluar dhe mendohet se ishte përgatitur tereni për ndërtimin e një memoriali pasi pas disa ditësh është 1 vjetori i vdekjes se tij.
