Një aksident pa pasoja për jetën ka ndodhur sot në aksin e rrugës kombëtare Elbasan-Cërrik, në vendin e quajtur “Ura e Zezë”. Një i ri, i cili ka qenë me kufje në vesh, është përplasur nga një kamion.
30-vjeçari, identiteti i të cilit ende nuk dihet, mësohet se i ka ndërprerë rrugën kamionit, dhe është përplasur mbi asfalt nga automjeti. Drejtuesi i mjetit, pavarësisht manovrimit, nuk ka mundur dot ta evitojë aksidentin.
Personi i aksidentuar nuk ka dëgjuar rënien e borisë nga drejtuesi i mjetit. Të njëjtat burime shtojnë se 30-vjeçari i aksidentuar, është transportuar për në spitalin e Elbasanit.
