Një djalë 8-muajsh dyshohet të jetë i infektuar me koronavirus në Britaninë e Madhe. Për mediat e huaja foli babai i tij, i cili i shqetësuar deklaroi se jeta i është bërë ferr.
Ai tha se frika mbetet edhe tek vajza e tij 4-vjeçare, se mos është infektuar. Ndër të tjera tha se aktualisht po qëndrojnë të izoluar në shtëpi, por frika është e madhe për përhapjen e virusit tek anëtarët e tjerë të familjes.
“Djali i ka të gjitha simptomat e koronavirusit. Kam frikë se edhe vajza ime 4-vjeçare është infektuar. Po jetojmë në ferr. Ne po qëndrojmë të izoluar në shtëpi dhe po u japim fëmijëve paracetamol, por asgjë nuk po funksionon”.
Tashmë foshnja dhe nëna e tij janë futur në karantinë në shtëpinë e tyre, pasi të dy patën kontakte me një mjek të infektuar me virusin vdekjeprurës.
