Dy vëllezër nga Lushnja janë arrestuar, pasi tentuan të fusnin drogë brenda burgut të Kosovës. Ata kishin përdorur një taktikë mjaft të çuditshme teksa e kishin fshehur lëndën narkotike brenda mishit.
Sasia e drogës ishte 600 gramë, ndërsa mësohet se do t’i dërgohej një personazhi të njohur të botës së krimi, konkretisht Lulzim Cakës.
Ministria e Drejtësisë ka publikuar njoftimin mëposhtëm, teksa jep detaje për ngjarjen në fjalë:
“Policia e Burgut të Lushnjes, falë masave për rritjen e sigurisë së brendshme ka mundur të ndalojë futjen në këtë IEVP të një sasie prej 600 gram lënde narkotike, të dyshuar kanabis sativa.
Në datë 05 tetor 2018, rreth orës 11:45 gjatë kontrollit të shtetasit Besnik Bali në ambientet e kontrollit në IEVP Lushnje u gjet e fshehur në ushqime sasia e lëndës narkotike, e presuar dhe e paketuar përmes mbështjelljes me natriban.
Droga ishte futur brenda një sasie mishi, të cilën Besnik Bali po ja dërgonte një shtetasi të dënuar, i cili vuan dënimin në IEVP Lushnje”.
ARRESTIMI
Policia arrestoi në flagrancë 2 shtetasit: Besnik Bali 40 vjeç dhe Isamir Bali, 34 vjeç, (vëllezër) banues në fshatin Barbullinjë, Lushnje si dhe u shpall në kërkim I.Z., 34 vjeç, banues në fshatin Drenovicë, Berat. Gjithashtu në bashkëpunim me efektivat e Komisariatit të Policisë Lushnje, është ushtruar kontroll në banesën e shtetasve Besnik Bali dhe Isamir Bali, ku u gjet lëndë narkotike e llojit Cannabis Sativa.
Por kush është Lul Caka?
Caka njihej si i tmerrshmi i Beratit në krye të një grupi kriminal që ka kryer vrasje në vitet 95-97. Banda e “të fortit të Beratit”, Lulzim Caka, daton në vitin 1995, kur ai ka kryer vrasjen e parë. Nisur nga lidhjet e krijuara, Lul Caka në vitin 1997 u bë tmerri i udhëtarëve në rrugët nacionale Berat-Fier dhe Berat–Lushnjë, raporton BalkanËeb. Arrestohet në Itali më 24 dhjetor 2001 dhe ekstradohet në vitin 2003, për të vuajtur dënimin 25 vjet burg për vrasje.
