Kushtetuta gjermane përcakton si “shtet të sigurt të origjinës”, vendet ku mund të qëndrohet në mënyrë të sigurt.
Vendet e konsideruara nga autoritetet gjermane si “të sigurta” përfshijnë të gjitha shtetet anëtare të BE-së, raporton dw.com.
Aplikimi për azil i një shtetasi i një “vendi të sigurt” ka shumë pak gjasa që të pranohet. Këta azilkërkues kanë më shumë gjasa të deportohen. Ky klasifikim synon të përshpejtojë vendimet e autoriteteve gjermane të azilit.
Por, cilat vende janë konsideruar të sigurta?
Lista e “vendeve të sigurta” shfaqet në Aktin e Azilit dhe aktualisht përfshin:
– të gjitha shtetet anëtare të BE
– Gana
– Senegali
– Serbia
– IRJM (Ish Republika Jugosllave e Maqedonisë)
– Bosnja dhe Hercegovina
– Shqipëria
– Kosova
– Mali i Zi
Bundesrat, dhoma e lartë e parlamentit gjerman, hodhi poshtë një projekt-ligj për të shtuar Marokun, Algjerin dhe Tunizinë në listën e vendeve të sigurta në vitin 2017. Shtypja politike, mungesa e respektit për të drejtat e njeriut , duke përfshirë të drejtat e LGBT, janë ende të përhapura në Magreb./TIRANA TODAY/
