E gjithë bota e futbollit që nga e mërkura në darkë ka folur thuajse për të njëjtën gjë: goditjen e dënimit të jashtëzakonshme të Lionel Mesit ndaj Liverpulit. Ylli argjentinas kalibroi mirë gjuajtjen e tij që të përfundonte poshtë trekëndëshit në të djathtë të Allison, duke shënuar një nga goditjet e dënimit më spektakolare në historinë e Ligës së Kampioneve.
Por nëse thuajse e gjithë bota ka mbetur e mahnitur nga ajo goditje, te Liverpuli nuk janë edhe aq të kënaqur, sidomos tifozët të cilët pretendojnë se argjentinasi nuk duhej të kishte goditur topin, përkundrazi, duhej të ishte ndëshkuar për atë që bëri gjatë aksionit të faullit.
Pamjet filmike të publikuara duket sikur tregojnë Mesin i cili kërcen dhe godet me grusht në kokë Fabinjon, ndërsa gjyqtari jep faull në favor të tij. Të paktën ky është versioni që pretendojnë tifozët e Liverpulit, të cilët e shohin si të padrejtë që ai të lavdërohet pas një gjesti të tillë. Por jo vetëm kaq.
This punch from Messi supposes the 3-0. #UEFAMafia #Liverpool pic.twitter.com/HW2rDxhQII
— Me llaman JoeJoe
(@jsalamaf) May 1, 2019
Në një nga faqet që krijojnë peticione online, është nisur një i tillë që kërkon që UEFA të ndëshkojë argjentinasin për këtë goditje ndaj Fabinjos, një lloj “prove televizive” e tifozëve, që duam të vërtetojnë se ylli argjentinas është ai që gaboi dhe ajo magji në teori, nuk duhej të ekzistonte.
https://youtu.be/ITAzE626jOg
