Kombëtarja gjermane është duke zhvilluar stërvitjet në prag të startit të Botërorit “Rusi 2018”, por duket se gjërat janë bërë serioze tek “panzerat”. Stërvitja e ditës së sotme ka qenë një arenë lufte.
Julian Draxler mori një bërryl në fytyrë. Ai qëndroi në tokë, duke u trajtuar për minuta të tëra nga mjekët. Pas testeve të shumta dhe mjekimit të shpejtë, ai ishte në gjendje të vazhdonte.
Por kjo nuk ishte skena e vetme e rëndë në qendrën stërvitore të Gjermanisë. Gjatë një dyluftimi të ashpër, Joshua Kimmich dhe Antonio Rudiger janë përplasur keq me njëri-tjetrin. Dhe një moment ishin ballë për ballë në mes të fushës gati për luftë.
Ishte Miroslav Klose ai që ndërhyri për t’i ndarë në momentin e duhur. Më pas gjithçka u qetësua. “Situata është e nxehtë, të gjithë duan të jenë titullarë,” shprehet Hummels.
