Po planifikonin të sulmonin me bombë një kishë në Alexandria të Egjipit, dënohen tridhjetë persona nga 10 vjet deri në burgim të përjetshëm.
Autoritetet egjiptiane thanë se të pandehurit, kishin pranuar se kanë përqafuar idetë e grupit militant të Shteti Islamik dhe se janë trajnuar në Egjipt dhe jashtë vendit, ndërsa akuzohen gjithashtu se kanë planifikuar një sulm me bombë në një dyqan të pijeve alkoolike në qytetin Damietta.
Tetëmbëdhjetë nga të pandehurit u dënuan me burgim të përjetshëm, që në Egjipt konsiston me 25 vjet burgim, tetë persona të tjerë u dënuan me 15 vjet burgim dhe katër të tjerë janë dënuar me 10 vjet heqje lirie, njoftoi Gjykata në Alexandria.
Ndonëse sulmi i planifikuar ndaj një kishe në Alexandria nuk kishte ndodhur, minoriteti i krishterë në Egjipt është përballur me një sërë sulmesh në Alexandria dhe qytete të tjera gjatë viteve të fundit.
