Orges Xhelili, autori i plagosjes së kryebashkiakut të Divjakës, Fredi Kokoneshi dhe shoferit të tij është lënë në burg këtë të martë nga Gjykata e Lushnjes.
Babai i Orges Xhelilit, Abas Xhelili tha për mediat se djali është provokuar nga persona që rrinë pas kryetarit. Midis tyre gjithashtu ka pasur një debat më parë, lidhur me largimin nga puna.
Avokati i Orges Xhelilit, u shpreh për mediat se ai është dhunuar nga policia bashkiake. “Orgest Xhelili është dhunuar nga policia bashkiake. Xhelili 2 javë më parë e denoncoi për veprime arbitrare. Kryetari i Bashkisë po hetohet nga SPAK për veprime arbitrare. Xhelili dhe Kokoneshi debatuan, policia bashkiake e mori me forcë për ta futur në furgon”, u shpreh avokati i tij Ndue Pjetra.
Më 11 nëntor, kryetari i Bashkisë Divjakë, Fredi Kokoneshi u plagos me thikë bashkë me shoferin e tij, pas një debati me një punonjësin e Bashkisë, Orges Xhelilin.
