Kreu i Njësisë Administrative në Kallmet në Lezhës, Besnik Simoni, është qëlluar me armë zjarri. Policia ka njoftuar paraprakisht se ngjarja ka ndodhur rreth orës 13:30, në fshatin Kallmet, ku dyshohet se pas një konflikti verbal të nisur më parë në zyrë, është plagosur në rrugë me armë zjarri Besnik Simoni.
“Rreth orës 13.30, në fshatin Kallmet, dyshohet se pas një konflikti verbal të nisur më parë në zyrë, është plagosur në rrugë, me armë zjarri pistoletë shtetasi B. S., me detyrë kryetar i Njësisë Administrative Kallmet, Lezhë, i cili është transportuar menjëherë për ndihmë mjeksore në spitalin e Lezhës.
Shërbimet e Policisë kanë rrethuar zonën dhe vijon krehja e saj për të bërë të mundur kapjen e autorit të dyshuar A. M.
Grupi hetimor ndodhet në vendngjarje dhe po punon për sqarimin e rrethanave të ngjarjes, si dhe fiksimin e çdo provë materiale që do t’i shërbejë hetimit, për zbardhjen dhe dokumentin e plotë të ngjarjes”, ka njoftuar policia e Lezhës.
Ndaj të plagosurit është qëlluar me pistoletë. Tre plumba e kanë kapur në trup. Ai është nisur menjëherë drejt Spitalit të Traumës në Tiranë, për ndihmë mjekësore.
