Një tjetër plagosje ka ndodhur në Kavajë, ku bëhet me dije se autori është kapur në kohë reale. Për shkaqe ende të paqarta, rreth orës 01:00, tek ish-fabrika e letrës në Kavajë, dyshohet se është plagosur me armë zjarri në këmbë shtetasi M.Xh., 29-vjeç. Si autor i dyshuar i ngjarjes është shtetasi V.H., 27-vjeç, banues në Kavajë. Burimet zyrtare të policisë njoftojnë se autori i krimit është kapur pas një ore e gjysmë ndjekje.
“Më datë 24.05.2020, rreth orës 01:00, tek ish-fabrika e letrës, në Kavajë, për motive ende të paqarta dyshohet se është plagosur me armë zjarri në këmbë, shtetasi M.Xh., 29 vjeç, i cili u dërgua në spitalin e Durrësit.
Si autor i dyshuar i ngjarjes është shtetasi V.H., 27 vjeç, banues në Kavajë, i cili fillimisht është larguar nga vendi i ngjarjes, por pas një ore e gjysmë ndjekje dhe kerkimesh është bërë shoqerimi i tij për në ambientet e Komisariatit të Policisë Kavajë.
Grupi hetimor dhe shërbimet e policisë ndodhen në vendngjarje, dhe vijon puna për zbardhjen e rrethanave të ngjarjes”.
