Rastet e shumta me plagjiaturat në Shqipëri, pedagogu Endri Shabani i sheh si një simptomë të një sistemi të sëmurë.
Në një lidhje me skype për Ora News nga Universiteti i Oksfordit në Londër ku po kryen kërkime shkencore, Shabani e sheh çështjen si një problem të gjithë Bllokut Lindor.
Ai thotë se kultivimi i të ashtuquajturës plagjiaturë apo vjedhje idesh, fillon që në klasat fillore e deri tek Universitetet.
Është realisht simptomë e një sistemi të sëmurë. Është sikur të shohësh temperaturën dhe ti vësh kompresa, por problemi kryesor është infeksioni që trupi ka marrë.Plagjiatura është vjedhje e ideve. Ky nuk është një problem vetëm shqiptar. I gjithë blloku lindor që morën sistemin sovjetik, i gjithë sistemi arsimor nga nivelet më të ulëta në Universitet, studenti përgatitet të riprodhojë.
Të riprodhojë atë që gjen tek teksti, atë që i ka dhënë mësuesja dhe kjo vlerësohet.Sa më mirë ta riprodhosh ti, sa më mirë ta bësh plagjiaturën, aq më shumë vlerësohesh në sistem. Ky është një problem sistemik i sistemit arsimor. Së dyti, mungesa e kërkimit shkencor. Universitetet shqiptare nuk kanë kërkim shkencor sepse nuk vlerësohet kërkimi shkencor. Nuk vlerësohet nga qeveria së pari.
I pyetur nëse duhet të ngrihet një komision për të kaluar në filtër të gjithë rastet e plagjiaturave, Shabani ka këtë përgjigje:
Do ishte një kompresë që do ulte temperaturën, por nuk do të luftonte infeksionin. Problemi është që pedagogët në Shqipëri nuk kanë incentivë për të bërë kërkim shkencor.Bizneset më të mëdha shqiptare e kanë zero fondin për kërkim shkencor.
Nuk ka biznese të suksesshme në Angli, Amerikë dhe kudo që të mos kenë para për inovacionin dhe kërkimin shkencor. Pse duhet që dikush të gjenerojë diçka të re në momentin që kjo nuk vlerësohet? Fatkeqësisht dhe mënyra si po trajtohet në rastin e Ministres së Shëndetësisë është gjobëvënie. Një grup i nxjerr një grupi tjetër diçka.
Megjithatë dikush duhet të mbajë përgjegjësi dhe në rastin e Ministres së Shëndetësisë, pedagogu e drejton gishtin nga trupa e vlerësimit.
Mendoj që personi i fundit që duhet të ikë është Ministrja në fjalë, sigurisht dhe ajo mban përgjegjësi.Por janë paneli që ka vlerësuar Doktoraturën. Ka një program që për 5 minuta mund të thotë nëse është kopje.Po flasim për kopje ordinere, jo vjedhje idesh. Por t’ia marrë punën dikujt tjetër, ta përkthesh dhe ta nxjerrësh./Ora News/
