Është mbyllur në barazim 1-1 sfida që po zhvillohet në “Elbasan Arena”, mes Skënderbeut dhe Dinamos së Kievit. Një pjesë e parë mjaft e mirë për djemtë e Ilir Dajës, të cilët reaguan menjëherë pas pësimit të golit. Kishte edhe disa raste mjaft të mira për të kaluar në avantazh por që nuk u shfrytëzuan mirë nga sulmi. Ukrainasit po ashtu ishin mjaft të rrezikshëm në lojën në ajër, por që nuk arritën ti shfrytëzonin rastet e tyre si duhet.
Në minutën e 16 ka ardhur edhe goli i parë për Dinamon, një gol mjaft i dyshimtë për pozicionin e lojtarit që shënon, por për arbitrin është gjithçka e rregullt.
Dy minuta pasi pësojnë, vjen reagimi i menjëhershëm i lojtarëve të Skënderbeut. Është Sabien Lilaj që godet mjaft mirë nga jashtë zone dhe një devijim i lehtë i mbrojtësit e dërgon atë në rrjetë.
Edhe ndeshja tjetër e grupit është mbyllur në barazim 1-1, ku Partizani i Beogradit kërkon fitoren për të siguruar kualifikimin përballë Young Boys.
