Është mbyllur në barazim pa gola pjesa e parë në ndeshjen mes Kamzës dhe Partizani. Ka qenë një pjesë e parë e luftuar mjaft fort nga të dyja ekipet por që nuk kanë arritur të rrezikojnë portat respektove seriozisht. Kamza me Plakun në majën e sulmit e ka të vështirë të depërtojë në mbrojtjen e të kuqve, të cilët janë mjaft të fortë në prapavijë. Ndërsa Partizani ka mjaft probleme si ç’ishte parashikuar në sulm, duke mos u lidhur si duhet në vijën e fundit dhe të rrezikojnë portën. Është Trashi që tenton të shpërthejë nga krahu por e ka të vështirë i vetëm të shkojë deri në fund. Me këtë rezultat të dyja ekipet ruajnë pozicione të njëjta në tabelë dhe presin sfidën e Laçit që mund ti parakalojë të dyja në rast fitoreje.
Ndeshja tjetër e kategorisë superiore zhvillohet në Gjirokastër, mes Luftëtarit dhe Lushnjës. Ku vendasit janë duke kryesuar në këtë pjesë të parë, me një gol të shënuar shumë shpejt. Ndjehet dora e Likës tek gjirokastritet të cilët kanë filluar të shprehen më mirë në fushë dhe të mbajnë kontrollin e lojës. Lushnja ka qenë e pafuqishme të reagojë në këtë pjesë të parë edhe pse vjen nga një fitore e bujshme me Teutën. Luftëtari i largohet në rast fitoreje fundit të tabelës dhe blindon Lushnjën si vendin e fundit me më pak pikë.
