Teksa ka qenë i ftuar këtë të diel në emisionin “BECaffee”, kantautori Pirro Çako zbuloi se ka 7 vite që nuk merr pjesë në garën e “Këngës Magjike”. I pyetur a do të rikthehet si konkurrent në festival, Pirro tha se i pëlqen të jetë më tepër spektator i tij.
“Nuk është se e mendoj të rikthehem. Më pëlqen ta ndjek si spektator”, u shpreh kantautori.
Referuar koncertit recital ku pati premtuar se do të japë në Tiranë, Pirro tha se kishte ndërruar mendje, dhe se i pëlqen më tepër të sjellë këngë të reja dhe jo të rikthejë projektet e tij që duan shumë financim.
“Kam ndërruar mendje, për koncertin recital. Do investim shumë të madh dhe mendoj që për mua është humbje kohe. Dua të prodhoj këngë të reja. Të risjell edhe një herë këngët e mia me orkestër do punë, kam dëshirë që të shkruaj muzikë të re”.
