Andrea Pirlo është një nga ata lojtarë që ka luajtur në ekipe rivali të një qyteti dhe dashurohet nga të dy tifozeritë. Pasi mbylli një karrierë të lavdishme si futbollist, Pirlo ka mbyllur me sukses kursin për trajner dhe është gati ti futet punës.
Ish fantazisti i Interit, Milanit dhe Juventusit me shumë mundësi do të emërohet ndihmës i Roberto Mancinit në stolin e Italisë. Të dyja palët kanë rënë dakord dhe tashmë dokumentet e nevojshme janë dorëzuar në zyrat e FIGC. Mbetet për tu parë nëse puna si opinionist në Sky Sport mund ti sjellë ndonjë problem Andreas në postin e ri që do të marrë.
Nëse nuk rezulton asnjë mospërputhje, atëherë Pirlo do të zyrtarizohet ndoshta brenda ditës së sotme, ndërsa në të kundërt, pritet që ish fantazisti i Italisë të japë dorëheqjen nga Sky, për të nisur eksperiencën e re në krah të Mancinit.
