Popullariteti i futbollistit të Barcelonës, Gerard Pique, ka rënë ndjeshëm në Instagram. Ditët e fundit futbollisti i Barcelonës ka humbur rreth 5 milionë ndjekës në Instagram. Konkretisht, profili i tij ka rënë me një milion ndjekës në ditë. Ndërkohë, Shakira fiton rreth 300.000 përdorues në ditë.
Ndarja dhe skandalet e Piques po bëjnë bujë, edhe në mesin e markave komerciale dhe tifozëve të skuadrës së Barcelonës. Sipas sondazhit të fundit të Culemania, 63.3% e tifozëve besojnë se Pique duhet të tërhiqet ose të largohet nga klubi.
Vetëm 17.1% e të anketuarve janë plotësisht në favor të vazhdimësisë së tij. 14.1% favorizojnë vazhdimësinë e Pique me kushtin që ai të jetë 100% fizikisht i përgatitur, ndërsa 5.4% e mbetur thonë se Pique duhet të ishte tërhequr nga Barça shumë kohë më parë.
Shakira shton ndjekësit:
Përkundrazi, këngëtarja kolumbiane përjeton rritje në kanalet e saj në rrjetet sociale, ku aktualisht është aktive. Që nga premiera e ‘Te Felicito’, Shakira e pozicionoi këngën e saj si videon më të shikuar në Youtube, duke tejkaluar 100 milionë shikimet. “Sapo dëgjova nga ekipi im se video “Te Felicito” kaloi 100 milionë shikime dje!”, ka shkruar këngëtarja kolumbiane në Instagram, pasi ka vënë re suksesin e ri.
“Ju jeni fansat më të mirë në mbarë botën!
Faleminderit shumë për mbështetjen dhe dashurinë tuaj”, ka përfunduar Shakira në një mesazh dygjuhësh për fansat e saj.
Shakira ka fituar dy milionë ndjekës që nga dita kur agjencia e saj e përfaqësimit, konfirmoi përmes një deklarate ndarjen e saj nga Gerard Pique.
Burimi i lajmit: MARCA. Përshtatur nga Tirana Today
