Prokuroria e Shkallës së parë në Durrës ka proceduar penalisht kryeinspektorin e Inspektoratit Ndërtimor Urbanistik pranë Bashkisë Durrës, Artur Çela i cili akuzohet për shpërdorim të detyrës.
Burime nga grupi hetimor bëjnë të ditur se Çela nuk ka zbatuar ligjin mbi prishjen objekteve, që përbën mospërmbushje të rregullt të detyrës, nga personi që ushtron funksione publike. Ajo që bie në sy është masa e dënimit për z.Artur Çela i cili në bazë të ligjit duhet të ishte akuzuar me burgim deri në shtatë vjet dhe me gjobë nga treqind mijë deri në një milion lekë.
“Gjykata Durrës sot vendosi ndaj tij masën e sigurimit personal ndaluese dhe shtrënguese “Pezullim i ushtrimit te një detyre a shërbimi publik” dhe “Ndalimi për te qëndruar ne ambientet e IMT-se Durrës”, parashikuar nga nenet 235 dhe 242 te K.Pr.Penale dhe ky vendim u ekzekutua po ne 10.04.2018”- thuhet ndër të tjera në njoftimin e gjykatës.
