Pak dite pas vendimit të Qeverisë për skanimin e pronave në vijën bregdetare, Ministrja e Drejtësisë, Etilda Gjonaj ka dalë sot me një deklaratë për mediat, duke dhëne sqarime se pse e pezulloi qeveria regjistrimin e pronave ne bregdet.
Ministrja Gjonaj ka theksuar sot se kemi të bëjmë me një situatë të jashtëzakonshme abuzimesh në bregdet me procesin e ndarjes dhe regjistrimin e tokës në fshat me pajisjen e aktit të marrjes së tokës në pronësi. Proces që nisi që me ligjin 7501 që kishte si qëllim ndarjen e tokës së ish kooperativave bujqësore rezultoi në abuzime nga funksionarë shtetërorë
“U dhanë toka bujqësore, zona e rërës së plazheve, kënetat, ligatinat dhe mocalet e ultësirës, duke kthyer tokat e pafrytshme në toka bujqësore, është abuzuar me prona që kanë qenë poligone ushtarake apo edhe monumente kulture.
Do mbahen kështu deri në verifikimin e titujve të lëshuar, ky vendim nuk ka si qëllim të bllokojë pronarët e ligjshëm, por vetëm grabitësit e tokës dhe abuzuesit e ligjit, rëra dhe plazhet e kthyer si tokë bujqësore nuk mund të legjitimohen.
Duke lejuar regjistrimin do të bëheshim bashkëpunëtorë të një krimi para syve të të gjithëve dhe do i lejonim zinxhirit kriminal. Skemat kriminale të zbuluara në Lezhë dhe Kavajë janë shembulli më i qartë i modelit të ndjekur nga abuzuesit dhe diktojnë urgjencën për të vepruar.
Pezullimi është vetëm një masë e përkohshme që do tu lejojë institucioneve të verifikojnë titujt e lëshuar gjatë bregdetit dhe të ndajë njëherë e mirë pronarët e ligjshëm nga hajdutët e pronave. Do çojmë para drejtësisë të gjithë ata që kanë dhënë dhe përfituar tituj të pronësisë në mënyrë të paligjshme”- tha ajo. TIRANA TODAY
