Kreu i Grupit Parlamentar të Lëvizjes Socialiste për Integrim, Petrit Vasili ka folur në Fax News edhe për vendimin e deputetit Lefter Koka për të mos djegur mandatin e deputetit.
Vendim ky i cili bie ndesh me atë kryesisë së LSI-së që vendosi dje djegien e mandateve.
“Nuk kemi një komunikim me zotin Koka për shkak se nuk ka qenë i pranishëm në mbledhje gjatë ditës së djeshme. Nuk kemi patur asnjë komunikim me të. Ne komunikojmë në grupin parlamentar dhe nuk komunikojmë në media. Teknikalitetet nuk kanë asnjë rëndësi”, – tha Vasili për rastin e z. Koka.
Vasili e ka cilësuar vendimin për djegien e mandateve si një nga vendimet më të forta politike, që është marrë ndonjëherë në politikën shqiptare.
“Shteti i së drejtës nuk funksionon, kemi parë afera korruptive të hapura. Kemi një kryeministër që ka lindur përmes votave të blera. Këtë e ka dëshmuar edhe një media e Departamentit Amerikan të Shtetit, siç është Zëri i Amerikës”.
Vasili tha po ashtu se opozita nuk mund të pranojë një bashkëndarjetë Parlamentit kur nuk zbatohen të drejtat parlamentare të opozitës.
