Tarifat e larta të vitit akademik prej disa vitesh janë shqetësimi më i madh i studentëve të shkollës së lartë dhe masterit.
Sipas raportimeve të medieve, mësohet se 500 studentë të masterit me status të veçantë në Fakultetin Ekonomik kanë firmosur një peticion drejtuar Kreyministrit Rama dhe ministres së Arsimit, Mirela Karabina ku kërkojnë mbështetjen nga qeveria për përgjysmimin e tarifës së studimeve.
Këta student, vitet e mëparshme këta fëmijë janë mbështetur nga qeveria në bazë të vendimit 269 në masën 50% të pagesës të prindërve invalidë, fëmijë me status jetim, rom dhe egjiptian.
Mirëpo, mësohet se këtë vit janë përjashtuar nga kjo politikë sociale dhe për këtë arsye i janë drejtuar kryeministrit.
Në shkresën e firmosur nga ata kërkohet reagimi i institucioneve për të gjetur zgjidhjen e problematikës që do ti ndihmonte ata të vijonin studimet e nivelit të dytë.
Kujtojmë se tarifa e shkollimit për ciklin e parë dhe të dytë të studimeve me kohë të plotë vendoset nga Këshilli i Ministrave, mbështetur në propozimin e Ministrisë së Arsimit dhe Shkencës.
Kjo e fundit merr edhe mendimin e Konferencës së Rektorëve dhe Këshillit të Arsimit të Lartë dhe Shkencës.
Fakultetet me tarifat më të larta vjetore janë Fakulteti i Shkencave Sociale dhe i Drejtësisë ,më pas renditet Fakulteti i Ekonomisë.
