Centrali i vetëm bërthamor i Iranit është mbyllur përkohësisht për shkak të një defekti teknik. Lajmi u bë i ditur nga agjencia bërthamore e vendit.
“Uzina u hoq nga rrjeti elektrik pas një defekti teknik”, tha Organizata e Energjisë Atomike e Iranit në faqen e saj të internetit.
Impianti i Bushehr dhe reaktori që prodhon 1000 megavat energji, në bregdetin jugor të Iranit, u përfundua nga Rusiadhe u dorëzua zyrtarisht në shtator 2013, shkruan Arab News.
Mbyllja vjen ndërsa Teherani dhe fuqitë botërore, përpiqen të ringjallin një marrëveshje të bllokuar të vitit 2015 mbi programin bërthamor të Iranit në bisedimet e Vjenës, për të cilën një negociator i BE tha të dielën se po shkonin “më afër një marrëveshjeje”.
Kjo marrëveshje kundërshtohet ashpër nga Izraeli, të cilin Teherani e ka akuzuar në të kaluarën për sabotim kundër përpjekjeve të tij për pasurimin bërthamor.
Kompanitë ruse dhe iraniane filluan ndërtimin e dy reaktorëve më 2016 dhe përfundimi i tyre pritet të zgjaste 10 vjet.
Centrali në Bushehr furnizohet me uranium të prodhuar në Rusi. Teherani e ka për obligim që pajisjet e materialit të shpenzuar t’i kthejë përsëri në Rusi si një masë kundër përhapjes së materialeve të armëve bërthamore.
