Një shqiptar ishte arrestuar në Bilten të Zvicrës me një sasi të konsiderueshme heroine, dhe për këtë vepër penale ai duhet të vuante dënimin me 2 vjet burg. Por, ai është lënë i lirë me kusht dhe gjatë seancës së fundit ku u dha dhe dënimi përfundimtar ndaj tij ai nuk është paraqitur, dhe mendohet se është kthyer në Shqipëri kohë më parë, shkruan Tirana Today. 
Prokurori Glarner dhe avokati i shqiptarit të akuzuar pajtohen: Njeriu ishte një kontrabandist, jo një “baron drogë”, por një anëtar i nivelit më të ulët hierarkik. Si e tillë, më 26 qershor 2017, 27-vjeçari i kishte dhënë një bashkëpunëtori në Bilten “një sasi heroine për ta transportuar në Cyrih”, siç thuhet në aktakuzë.
Nga pyll në burg
Aktakuza sqaron çdo gjë me detaje. Sipas saj, tregtari shqiptar kishte ardhur vetëm në Zvicër për të shitur drogë, siç kishte deklaruar ai: “për arsye financiare.”
Ai në Zvicër kishte një bashkëpunëtorë po shqiptar, ku ky i fundit e paguante me “pagë mujore” për “shërbimet” 2000 franga. Ai u ndal një ditë në pyll në Bilten, dhe u dërgua në paraburgim. Ai akuzohet për një listë të tërë të veprave penale. Shqiptari thuhet se ka ruajtur, transportuar, importuar dhe eksportuar, mbajtur, ruajtur, blerë dhe shitur drogë ilegalisht, shkruan suedostschweiz.ch.
Proces i shkurtër
Tashmë në prag të gjykimit para Gjykatës Kantonale Glarus, prokurori dhe avokati i të akuzuarit kishin rënë dakord për një vendim që ata e kishin nënshkruar me procedurë të shkurtuar. Shqiptari parashikohej të dënohej me dy vjet burg për “vepra të shumëfishta të kualifikuara kundër ligjit të narkotikëve”.
Në gjyq, avokati i të pandehurit e vlerësoi dënimin si të lartë. Sepse klienti i tij aktualisht ka vepruar në një nivel shumë të ulët hierarkik të trafikut të drogës dhe se është kapur më një sasi relativisht të vogël të heroinës së pastër. Në këmbim të dënimit ai u la i lirë me kusht, dhe kjo gjë u pranua nga avokati mbrojtës.
Prokurori gjithashtu e konsideroi të akuzuarit si një peshk i vogël. “Megjithatë, ka njëfarë energjie kriminale”, shpjegoi ai me gojë.
Prokurori i njoftoi avokatit mbrojtës që t’i dërgojë me shkrim një letër lidhur me vendimin që është marrë për klientin e tij. Ai thuhet se letrën do ta sjellë në Shqipëro, dhe se i akuzuar është lëni i lirë me pëlqimin e trupit gjykues që më 11 dhjetor 2017. TIRANA TODAY
