Presidenca ka dhënë sqarime lidhur me takimin e zhvilluar sot mes presidentit Ilir Meta, dhe delegacionit të OSBE-së, që kryesohej nga presidenti George Tsereteli. Takimi, në të cilin mungoi ambasadori i OSBE në Tiranë, Berndt Borchard, ka patur në fokus krizën politike në vend.
Meta merr vendimin e papritur, shpall “non grata” ambasadorin Borchardt
Meta ka vënë në dukje domosdoshmërinë e zbatimit të Reformës në Drejtësi, vetëm sipas Kushtetutës së miratuar me konsensus tre vite më parë. Në lidhje me procesin e integrimit europian të Shqipërisë dhe rajonit, Presidenti i Republikës ka vlerësuar angazhimin e të gjitha vendeve anëtare të BE-së, për të mbështetur procesin e integrimit evropian të Shqipërisë dhe Maqedonisë së Veriut.
Njoftimi për mediat
Presidenti i Republikës, Sh.T.Z. Ilir Meta priti sot në një takim një delegacion të nivelit të lartë të Asamblesë Parlamentare të OSBE-së, të kryesuar nga Presidenti i Asamblesë, Sh.T.Z. George Tsereteli, dhe Sekretari i Përgjithshëm, z. Roberto Montella.
Kreu i Shtetit falënderoi Asamblenë Parlamentare të OSBE-së për mbështetjen që ka dhënë ndër vite për forcimin e shtetit ligjor dhe institucioneve demokratike të vendit, duke kërkuar njëkohësisht vëmendje dhe angazhim edhe në të ardhmen në ruajtjen dhe forcimin e vlerave që Organizata dhe shtetet pjesëmarrëse mishërojnë.
Duke ju përgjigjur interesimit për situatën politike në vend, Presidenti Meta theksoi me forcë domosdoshmërinë e zbatimit të reformës në drejtësi vetëm sipas Kushtetutës së miratuar me konsensus tre vite më parë.
Në lidhje me procesin e integrimit europian të Shqipërisë dhe rajonit, Presidenti i Republikës vlerësoi angazhimin e sinqertë të të gjitha vendeve anëtare të BE-së për të mbështetur procesin e integrimit evropian të Shqipërisë dhe Maqedonisë së Veriut.
“Shqipëria dhe Maqedonia e Veriut do të jenë përsëri objekt shqyrtimi në Samitin e Zagrebit që do të zhvillohet në maj të vitit 2020”, – vijoi Presidenti i Republikës, “dhe, në këto 6 muaj, 9 kërkesat e Bundestagut duhet të shërbejnë si harta e vetme e rrugës për Shqipërinë që mund të çojë në një vendim pozitiv për çeljen e negociatave të anëtarësimit me BE-në”.
Në lidhje me Kryesimin nga Shqipëria të OSBE-së për vitin 2020, Presidenti Meta u shpreh se, Shqipëria ka mundësinë që të japë një kontribut thelbësor për Organizatën.
Meta i ‘mbyll derën’ Borchadt, Kryemadhi: Ka fyer shqiptarët
