Vlora Çitaku, një nga gratë më të njohura në politikën shqiptare, e cila ka qenë aktive në politikën qeveritare në Kosovë, diplomate e nivelit të lartë në Uashington dhe OKB, e sot nënkryetare e Partisë Demokratike të Kosovës, ka përkujtuar sot Shote Galicën e cila ka përvjetorin e lindjes.
Sipas Çitakut, heroina është një fenomen atipik i imponimit të gruas në jetën luftarake që dominohej nga burrat, më shumë nga aftësitë e saj sesa nga ndonjë lëshim që i është bërë qoftë nga i shoqi Azemi apo të tjerë. Shota, e njohur me emrin Sala Ahmetaj, mbahet mend si një qitëse snajpere e pagabueshme, supervizionare në strategjitë luftarake dhe trime e cartur.
Vendin ajo e fitoi vetem nga aftesite, çka i linte prapa të gjithë luftëtarët e çetës së Drenicës. Shpesh herë, shkruhet në kujtime apo thuhet në gojëdhëna, se i shoqi Azem Bejtja u nxeh shumë kur Shota futej në garë qitje, pasi nuk diskutohej që zinte vendin e parë.
Postimi i Çitakut
Shotë Galica, e lindur me 10 Nëntor 1895 në Radishevë.
Sala Ahmetaj:
“Sot oda demokratike nuk mund të krahasohet e as të jetoj me konceptin e odës traditë që ka qenë i vetmi institution moral e shoqëror. Shota duhe hyrë në odë aty ky hynin vetëm burrat nuk është bërë burrërore, por trime, e dinjititeshme dhe luftëtare që sfidoi një kod moral që favorizonte vetëm një gjini.
Ajo hyri për të treguar se vlerat morale, etike nuk kanë gjini, sepse siç mund të ketë një grua trime, të guxishme, e të ndershme mund të ketë edhe një burrë qyqyar ose frikacak. Pra vlerat dhe dhuntitë janë tipare njerëzore.
Prandaj le të na sherbejë Shota si metaforë e forces dhe e guximit dhe e ruajtjes së vlerave të mirëfillta nga plazmimet kulturore që po e shpërfytyrojnë gruan tone dhe po e lëndojnë qenien e saj.
Ne nuk jemi me ndërgjegje të qetë se mirënjohjen për ty nuk e kemi të mjaftueshme. Por, e di se do t’na falësh sepse drama jonë ka vazhduar gjatë dhe ende nuk jemi këndellur. Edhe Radishevën tënde, Drenicën dhe tërë Kosovën e kanë vrarë dhe plagosur shumë herë. Kullat janë rrënuar e janë ringritur përsëri.
Por, përveç kësaj pabarazia gjinore ende po na e zë frymën. Kurse madhështia e figurës sate nuk po ka vend për ndonjë monument ose memorial për ty, as për ndonjë emërtim të ndonjë institucioni të lartë arsimor ose ushtarak. E ti Shotë edhe pas një shekulli ke mbetur e re siç ke qenë. E tillë do të mbetesh gjithmonë, vetëm 32 vjeçe, e bukur, pa asnjë rrudhë. Dhe sa herë që Kosova do të ketë nevojë për frymezim, për vizion e për gjak të ri, rruzat e kuqe do t’i marrë nga ti. Jim Morrison shkruan “ Në qoftëse një ditë do të zgjohesh dhe nuk e sheh diellin, ose diell je ti vetë ose ke vdekur”. Ti Shotë je vetë Dielli. “
