Problemet midis Kosovës dhe Serbisë mund t’i zgjidhe vetëm një person. Me siguri do të mendonit një nga liderët e mëdhenj të botës. Ndoshta zgjidhja mund të vijë edhe nga diplomatë të thjeshtë që njerëzit i njohin shumë pak.
Ish-ambasadori serb në Paris, Radomir Dikliç ka thënë se vizita e ministrit të Jashtëm francez Jean-Yves Le Drian në Serbi është shumë e rëndësishme.
Sipas tij, kjo vizitë mund të sjellë një ndryshim në zgjidhjen e çështjes së Kosovës.
Ai theksoi se Franca së bashku me Gjermaninë ‘funksionojnë në boshtin e BE-së’ dhe diplomacia franceze mund të ndihmojë për të zgjidhur problemin me Kosovën, transmeton lajmi.net.
“Ministri francez vjen kur Franca është e angazhuar në Siri, kjo gjë tregon sesa të kujdesshëm janë ata për të sjellë marrëdhëniet politike në një nivel më të lartë”, ka thënë Dikliç.
Dikliç ka theksuar se përveç bashkëpunimit politik, Franca ka edhe ekonomi të zgjeruar në Serbi.
