Anna Sabalaske nga Hawaii pyet: “A e di ndokush pse Rusia zgjodhi tani për të sulmuar/pushtuar Ukrainën, në vend që ta bënte këtë një vit më parë ose dy vjet më parë, apo vitin e ardhshëm? A kishte ndonjë faktor ‘shkaktues’ që të bënte që kjo të ndodhte tani?”.
Kjo është një pyetje e rëndësishme, dhe ne ende nuk i kemi të gjitha përgjigjet. Kjo luftë shpesh quhet lufta e Vladimir Putinit – besohet gjerësisht se është ai që e drejton atë dhe askush nuk e ka të qartë se sa larg është në gjendje dhe i gatshëm të shkojë në përpjekjet për të kontrolluar një fqinj që ai thotë se nuk duhet të ekzistojë si vend.
Shumë pyesin nëse ai ndjeu një dobësi në aleancën e NATO-s, në SHBA në veçanti, pas debatit të tërheqjes së trupave nga Afganistani dhe marrjes së pushtetit nga talibanët.
Shumë spekulojnë gjithashtu për gjendjen shpirtërore të liderit rus pas izolimit dhe ankthit të pandemisë.
Burimi i lajmit: BBC. Përshtatur nga Tirana Today
