Një police daneze që përqafoi një protestuese të veshur me niqab është vënë nën hetim.
Përqafimi që ndezi debatet ndodhi gjatë protestës kundër mbulesës së fytyrës në Danimarkë më 1 gusht të këtij viti, ditën kur hyri në fuqi ligji i ri.
Fotografia në fjalë u kap nga një fotograf i Reuters dhe zemëroi Partinë Liberale kundër emigracionit dhe jo vetëm, të cilët bënë ankesa në polici.
Ligjvënësi i Partisë Liberale, Marcus Knuth duke thënë se fotoja ka shkaktuar debat shumë të ndjeshëm politik shtoi se ajo nuk duhet të përsëritet më. Ai shtoi gjithashtu se roli i policisë është të zbatojë ligjin dhe jo të përqafojë njerëzit që janë kundër tij.
Megjithatë, ai pranoi se nuk ishte i sigurt nëse gruaja ishte përqafuar nga keqardhja ose ishte sëmurë.
Avokati i polices, nga ana tjetër tha se ankesat janë “absurditet i plotë”, dhe se klientja e tij ka vepruar në mënyrë të përshtatshme brenda rolit të saj si “oficere e dialogut”.
Gruaja e veshur me niqab duket se qartë se i kishte sytë të mbushur me lot. Emri i polices nuk është bërë publik, por sipas Reuters ajo është një femër e bardhë me origjinë daneze.
Ndalimi i mbulimit të fytyrës në Danimarkë u propozua nga koalicioni i qendrës së djathtë.