“Për’Puthen” do të vijë si një emision më vete. Pas suksesit që pati edicionin e kaluar, ky emision do të ketë risi.
“Për’Puthen”, nuk do të vijë si një nga rubrikat përbërëse të “E Diell”, por si një emision më vete në Top Channel. Autorja Olsa Muhameti, e kontaktuar nga Anabel.al, konfirmoi për herë të parë ndryshimet dhe zbuloi disa detaje të tjera.
“Për’Puthen” do të moderohet nga Bora Zemani, dhe se pozicionin e Olti Currit do ta zërë Arjan Konomi, një nga opinionistët e dikurshëm të “Big Brother”.
Përsa i përket formulës, Olsa Muhameti shtoi se do të jenë 4 vajza përballë 14 djemve, ndërsa ndryshe nga sezoni i parë, programi do të transmetohet çdo ditë pas datës 7 shtator, fill pas “Ftesë në Pesë” në orarin 18:15 deri në 19:20.
