Ish-deputeti demokrat Astrit Patozi ka reaguar me tone të ashpra, lidhur me mbledhjen e djeshme të Kryesisë së Partisë Demokratike.
Patozi u shpreh se asgjë tjetër nuk mund të pritej nga ana e kryetarit dhe se mbledhja ishte pasqyrë e degradimit të PD-së, ndërsa foli për një tjetër Parti Demokratike.
FJALA E PATOZIT PËR MEDIET:
Mbledhja e djeshme e Kryesisë është pasqyrë e shëmtuar e degradimit të PD nën drejtimin e Bashës. Jo vetëm sepse pati debat, por sepse cilësia dhe përmbajtja e tij është problemi. Basha tregoi se ka mentalitet bolshevik. Dje la të kuptohej se pranon një kasolle familjare sesa një gradaçelë. Është nevojë e anëtarësisë së PD për t’u përfaqësuar. S’kemi pritur aspak që Basha të vepronte ndryshe, nuk na zhgënjeu. PD mund të jetë e vetmja parti në bote që bën zgjedhje pastaj analizë.
Dje u la të kuptohet se nuk është problem as kryetari i partisë dhe as lidershipi, por anëtarët.
Ne do t’i imponohemi me forcën tonë, kam bindjen se demokratët janë të shumtë që duam një parti tjetër demokratike. Ne do imponohemi me presion që anëtarësia e PD do e detyrojë zotin Basha të mbajë një qëndrim tjetër.
