Pas përfundimit të protestës së opozitës së bashkuar një natë më parë, kanë filluar arrestimet e protestuesve. Mësohet se policia ka arrestuar 40 persona dhe 25 të tjerë janë shoqëruar pas akteve të dhunës dhe incidenteve të ndodhura gjatë protestës.
Kujtojmë se protesta e 7-të e opozitës u shoqërua me akte dhune dhe përplasje mes policisë dhe protestuesve.
Sakaq bëhet me dije se të paktën 10 efektivë të policisë kanë marrë lëndime prej mjeteve të forta dhe piroteknike të hedhura në drejtim të tyre. Mes të plagosurve janë edhe 4 protestues.
Gjatë protestës së djeshme, policia iu bëri vazhdimisht thirrje në megafon protestuesve dhe organizatorëve të protestës për të mos hedhur lëndë piroteknike pasi rrezikohet jeta e policëve.
Thirrje iu është bërë edhe kreut të PD-së, Lulzim Basha dhe sekretarit organizativ Gazment Bardhi që të marrin masa që protestuesit të ndërpresin veprimet e dhunshme.
Protesta e radhës pritet të mbahet ditën e shtunë më 8 qershor në orën 19:00.
