Të tjerë detaje kanë dalë lidhur me sherrin masiv ndodhur këtë pasdite në burgun e Rrogozhinës, ku një i burgosur mbeti i plagosur.
Sipas “BalkanWeb”, i lënduari identifikohet si Bajram Myfataraj, 26 vjeç, për të cilin thuhet se është dërguar në Spitalin e Traumës në Tiranë. Myftaraj ka dy fraktura, një tek hunda dhe tjetra poshtë syrit.
Nga ana tjetër, dyshohet se i dënuari Endrit Goga ka qenë ai që së bashku me pesë të dënuar të tjerë dhunuan të burgosurin Bajram Myfataraj, raporton gazetari i “BalkanWeb”.
Myftaraj u arrestua më 12 nëntor 2016, ndërsa ishte duke vuajtur dënimin në burgun e Rrogozhinës për trafik droge në Portin e Durrësit.
Ende nuk dihet motivi që ka shkaktuar konfliktin.
