Kryeministri Rama ka pirë kafen e mëngjesit me banorë të njësisë nr.5 në Tiranë. Bashkë me të ishte Pandeli Majko, ish-ministri i Brendshëm Tahiri dhe kryebashkiaku Veliaj.
Gjatë bisedës me banorë, nuk kanë munguar as batutat mes tyre, ndërsa duhet thënë se deputeti Majko e ka kundërshtuar Ramën disa herë.
Rama: Jemi live tani në Facebook.
Majko: Jemi live fare? Hë mo se nuk të shikon njeri në Facebook që në pikë të sabahut.
E ke seriozisht ti?
Po ik o tani se nuk kanë njerëzit mendjen tonë!
Ashtu thua ti ee?
Po, po!
Rama: O lali Eri, do ta ngjojmë çik shefin e madh?
Më pas, teksa kanë komentuar pseudonimin e Veliajt, Rama ka thënë që vetëm Veliajt i shkon emërimi “lali”, ndërsa vetë kryeministrit i shkon “Edi droga”.
Rama: Është i shqetësuar, thotë pse i thonë lali Eri se është i ri, sapo është martuar.
Majko: Ashtu ëëë?
Rama: Po, imagjino të thoshin lali Pandi. Hë më lal?
Majko: Lali Pandi, lali Eri, lali Sajmiri.
Rama: Jo lali Sajmiri nuk shkon, Saje qorri po. Kurse unë jam Edvin droga, mua s’më shkon lali Edvini. Edvin droga dhe Saje qorri, ç’të gjeti Pandi, ç’të gjeti.
Majko: Unë them ta mbyllim. Na çmendi o vlla (qeshin…)
Rama: Është zhytur në narko-socializëm.
Më pas, një qytetare ka futur në “sherr” Ramën me Majkon, teksa ka kërkuar që t’u rikthehen shpërblimet familjarëve të dëshmorëve. Rama kundërshton, ndërsa Majko ia thotë troç që po bën antifushatë:
Qytetarja: Meqë dole te 5 maji, për dëshmorët e kombit, ka 10 vjet që e hoqën atë 5 mijë lekëshin, ata dhanë gjakun.
Rama: Dëshmorët nuk janë vrarë që stërnipërit të përfitojnë nga gjaku i tyre. Veteranëve u kemi rritur shpërblimin. Daja im është dëshmor, të marr unë shpërblim për dajën?
Do vazhdojmë të paguajmë pasardhësit e pasardhësve? Ata nuk u vranë për taksën e gjakut, i nderojmë, por nuk është kështu. Më vjen keq.
Ndërhyn Majko: Prit e prit. Ka qenë një shpërblim për familjet e dëshmorëve që në raste për 5 maj, ose kur shikonin që ka ndonjë dëm të varrezave të dëshmorëve…
Rama: Atë të dëmit i rregullon vetë qeveria pra tani…
Majko: Pusho, më lër mua të shpjegoj…
Rama: S’ka nevojë për dëmin e varrit jepi lekë familjes.
Majko: Këtu në Tiranë nuk është ky problem, mos e bëj kështu tani..
Rama: Jo mo jo, e kam parimore unë. Veteranëve po…
Majko: Ça është para luftës së Parë Botërore kam të drejtë unë, ça është pas luftës vazhdo ti.
Rama: Po pse kshu apo?…
Rama-Majkos: I ke parë varrezat e dëshmorëve.
Majko e ndërpret: Lëre tani se duket si antifushatë kjo tani, lëre këtë muhabet!
Rama: Pse antifushatë?
Majko: Lëre se u ka ardhur në majë të hundës njerëzve, do të rregullojmë varrezat e dëshmorëve, pikë! Varrezat e dëshmorëve na mbajnë ne si parti, nuk na mban rruga dhe asfalti!
Lëre tani se jemi dhe direkt të ERTV-ja dhe mos të na dali ndonjë gjë!
Rama: Ti je në rregull se je dëshmor i gjallë!
Majko: Dëshmor në tentativë. Do çohemi tani? O Saimir, më çmëndi!/ Tirana Today
https://www.facebook.com/edirama.al/videos/10154847579366523/
