Ish-kryeministri Sali Berisha i ftuar në Ora News, tha se pas protestës së 16 shkurtit, kryeministri Rama dërgoi në Bruksel video duke pretenduar se synohet t’i merret pushteti.
“Rama u tmerrua nga protesta e datës 16 dhe më datë 17 variantin e parë që përhapi lajmin se Berisha do me më marrë pushtetin. Dhe për këtë dërgoi nëpërmjet çakallit të tij, të Baton Stanishiçit në Bruksel një video qesharake si dëshmi e asaj që unë do t’i marrë pushtetin. Largimi im është një largim pa kthim. Ata e dërguan, kush e dërgoi? Pastaj nxori 100 lloj hipotezash të tjera por e vërteta është se po i tunden këmbët. Sa ka mbledhë opozita me bilbil brenda 4 orëve, nuk ka ndodhur kurrë në historinë e këtij vendi”.
Për deklarata e eurodeputetit gjerman ndaj Monika Kryemadhit, ish-kryeministri Sali berisha tha: Knut gaboi. Së pari nuk i takon atij të përdor formula siç i thotë Edi Rama. Së dyti, gosipi është gosip dhe tani nga darka fliste për “shershe la femme”. Ai dëshpërim që shtyu atë në urrejtje personale ndaj Monikës, gojët e liga thonë se ajo mund t’i ketë prishur diku punë.”
Berisha flet për një video që u bë virale ku shihet qartë marrëdhënia e afërt mes Fleckenstein dhe Bregut. Në fakt, është Fleckenstein ai që vë disi në siklet Bregun, teksa gjatë një bisede mes tyre, ai i flet në vesh si dhe e shtrëngon me të dyja duart duke e mbajtur mjaft afër.
