Një aksident me pasojë vdekjen është shënuar në rrugën dytësore Vorë, drejt Doganës. Policia paraprakisht njofton se janë përplasur tre mjete, ku për fat të keq ka ndërruar jetë drejtuesi i një prej makinave, shtetasi D.K., 30-vjeç.
Të njëjtat burime shtojnë se aktualisht ndodhet nën kujdesin e mjekëve shtetasi G.Z, i cili është jashtë rrezikut për jetën. Paraprakisht dyshohet se shkaku i vdekjes së shtetasit D. K, mund të ketë ardhur si pasojë e arrestit kardiak.
“Në rrugën dytësore Vorë, drejt Doganës janë përplasur 3 mjete, si pasojë e përplasjes gjatë transportimit në spital ka nderruar jetë drejtuesi i njërit prej mjeteve, shtetasi D. K, rreth 30-vjeç.
Ndërsa shtetasi G. Z., drejtuesi i njërit prej mjeteve ndodhet në spital, nën kujdesin e mjekëve, jashtë rrezikut për jetën.
Në vendngjarje ndodhet grupi hetimor, ku vijon punën për zbardhjen e rrethanave dhe shkakut të aksidentit.
Paraprakisht dyshohet se shkaku i vdekjes së shtetasit D. K, mund të ketë ardhur si pasojë e arrestit kardiak”.
