Një aksident me pasojë katër të plagosur është shënuar në aksin rrugor Librazhd-Elbasan.
Tri automjete janë përfshirë në një aksident, ndërsa katër persona kanë mbetur të lënduar.
Në vendin e aksidentit kanë mbërritur dy autoambulanca të spitalit të Librazhdit, të cilat po transportojnë të plagosurit për në urgjencë, për t’ju dhënë ndihmën e nevojshme mjekësore.
Nuk janë të qarta rrethanat dhe shkaqet e këtij aksidenti, ndërsa policia ndodhet në vendngjarje.
