Në aksin rrugor Fier-Levan janë përplasur dy automjetë . Aksidenti ka ndodhur pasditen e sotme, në një kohë kur edhe trafiku ka qenë shumë i rënduar.
Në aksident janë përfshirë dy automjete me targa GJ5956A dhe TR 8256S.
Nga të dhënat paraprake mësohet se shkak i përplasjes është bërë parakalimi i gabuar i njërit prej mjeteve.
Po ashtu mësohet se nga përplasja fatmirësisht nuk ka pasur persona të lënduar, por vetëm dëme materiale.
Ndërkohë policia po punon për zbardhjen e aksidentit.
