Një 54-vjeçar, banues në Vlorë është arrestuar nga policia pasi ka kanosur me thikë shtetasen E.M., 54 vjeçe, për motive të dobëta.
Në pranga ka rënë shtetasi R.A., i cili mësohet se gjithashtu ka përndjekur shtetasen E.M për një kohë të gjatë.
NJOFTIMI I POLICISË:
Vlorë
Përndjek dhe kanos me mjete të ftohta prerëse një shtetase, arrestohet nga Policia.
Specialistët e Seksionit për Krimet në Komisariatin e Policisë Vlorë kanë arrestuar në flagrancë një shtetas pasi më datë 15.10.2017, ka kanosur me mjete të ftohta prerëse (thikë), për motive të dobëta shtetasen E.M., 54 vjeçe.
Konkretisht, Policia ka arrestuar shtetasin :
R.A, 54 vjeç, banues në Vlorë.
Shtetasi R.A, prej hetimeve policore ka rezultuar se e ka përndjekur shtetasen E.M., për një kohë të gjatë.
Policia ka referuar materialet në Prokurori në ngarkim të shtetasit të lartë përmendur për veprat penale ”Kanosja”, ”Përndjekja”, dhe ”Prodhimi, mbajtja, blerja pa leje e armëve të ftohta”, parashikuar nga nenet 84, 121/a dhe 279 të Kodit Penal.
