Kryeministri Edi Rama ka reaguar pas akuzave të forta të ish-kryeministrit Berisha dhe deputetit të PD-së, Edmond Spaho për situatën e përmbytjeve, për lënien e njerëzve në mëshirë të fatit, për mungesën e dëmshpërblimit dhe për ndihmat që iu kërkua NATO-s.
“Profesor hyn te ata që e dinë sa bëjnë shtatë herë shtatë, por edhe ti që e njeh tabelën e shumëzimit vuan nga i njëjti virus që vuani të gjithë, kur keni mikrofonin në gojë shumëzoni si ju thotë partia, jo si thotë tabela. E more me britma të mëdha sot e the shumë gjëra që janë vërtetë nën nivelin tënd, e ule shumë nivelin, fole sikur sapo zbrite në një anije nga hëna, ua them gjithmonë po mos t’ju njohësh thua sot erdhën këta nga Hëna? A thua se nuk ishit ju këtu kur ndërtohej në mes të lumit”– tha Rama.
Me tej, Rama leëhoi të tjera akuza ndaj opozitës dhe qeverisjes së shkuar. “Shqiptarët as firmato nuk kanë qenë por kurrë nuk kanë ndërtuar një lumë, ndërtimin në lumë dhe për lumë e sollët ju dhe tani kërkoni llogari a thua se ishit në hënë dhe këto ndodhën pa bekimin tuaj. Flisni këtu për ndihma, po ju hëngrët gjithë groshët dhe orizin, vodhët edhe çizmet, pse i morët. Pa pilaf nuk jetonit dot, po çizmet ca ju deshën, tani thoni çne këto ndihma”- tha Rama.
