Pas kalimit të rrezikut, gjë që u konstatua edhe nga IGJEUM, tashmë ka nisur puna për rimëkëmbjen e çdo zone dhe çdo familje të prekur prej motit të tërbuar të tre ditëve të shkuar.
Lajmin e jep kryeministri Rama, i cili njofton mëngjesin e sotëm se faza e emergjencës kaloi duke shënuar dëme shumë herë më të vogla se disa vite më parë, ndërsa publikon një foto nga tërheqja e lumit Seman.
“MIRËMËNGJES dhe me këtë pamje spektakolare nga lumi Seman, i tërhequr tanimë në shtratin e tij, ju uroj një fillim jave të mbarë.
Faza e emergjencës kaloi, duke shënuar dëme shumë herë më të vogla se disa vjet më parë; gatishmëria dhe angazhimi maksimal vijojnë për rimëkëmbjen e çdo zone dhe çdo familje të prekur prej motit të tërbuar të tre ditëve të shkuara”, shkruan Rama.
