Prej dy ditësh qyteti i Venecias është nën sundimin e ujit.
Niveli i tij ka arritur sasinë maksimale dhe raportohet se ka përmbytur të gjithë qytetin.
Uji ka arritur nivelin e mbi dy metrave. Kjo është përmbytja më e madhe që ka parë kjo zonë në 50 vitet e fundit.
Nga fotot që po qarkullojnë në internet shihet se zonat më të bukura turistike janë të mbushura me ujë dhe shumë turistë janë të bllokuar.
Sheshi “San Marko”, një nga pjesët më të ulëta të qytetit, është zona më problematike për momentin.
Deri tani mediat italiane raportojnë për dy persona të vdekur.
Dy personat që kanë ndërruar jetë thuhet se banonin në ishullin Pellestrina, një rrip i hollë toke që ndan lagunën e Venecias nga deti Adriatik.
