Kina po përjeton një situatë dramatike të shkaktuar nga përmbytjet, si pasojë e reshjeve të dendura të shiut ditët e fundit. Zona më e goditur është ajo e provincës Henan, ku deri më tani është raportuar për 25 viktima.
Në rrjetet socialem, po qarkullon një video ku shihet se bred një metroje, uji kishte depërtuar dhe në një tren, pasagjerët mbanin kokën e tyre sa më sipër në mënyrë që t’i shmangeshin vërshimeve. Por, fatkeqësisht, 12 persona humbën jetën, shkruan BBC.
Reshjet e dendura të shiut kanë shkaktuar dëme të mëdha dhe aktualisht janë evakuar rreth 200,000 persona. Mbi tokë, rrugët janë kthyer në lumenj, me makina dhe mbeturina të përfshira në rryma të shpejta.
Presidenti Xi Jinping tha të mërkurën se kishte pasur “humbje të konsiderueshme të jetës dhe dëmtim të pronës”. Disa diga dhe rezervuarë kanë thyer nivelet e paralajmërimit dhe ushtarët janë mobilizuar për të devijuar lumenjtë që kanë shpërthyer brigjet e tyre.
