Një autobot me karburant është përmbysur mesditën e sotme në aksin rrugor Elbasan-Librazhd, pranë fshatit Xibrakë.
Sipas informacioneve paraprake, mësohet se shoferin e ka zëne poshtë autoboti, por ende nuk dihet gjendja e tij shëndetësore. Personi i cili drejtonte kamionin me naftë, është identifikuar si Fatmir Popja.
Policia dhe ambulanca ndodhen në vendin e ngjarjes, teksa është kërkuar ndërhyrja e shërbimit të zjarrfikëses për ta nxjerrë drejtuesin nga kamioni në anë të rrugës.
Paraprakisht dyshohet se shkak i daljes nga rruga të kamionit ka qenë humbja e kontrollit të drejtimit të automjetit për shkak të motit të keq.
