Emisioni Boom ka sjelle fakte se si zvarriten qytetarët nga përmbaruesit edhe pse kanë vendime gjyqësore të formës se prerë.
Ishte viti 2001 kur gjykata urdhëron prishjen e një objekti pa leje, i cili ishte ndërtuar në pronën e shtetasit Naim Sherri.
Naim Sherri: Prona ime e kthyer është 835 metër katror. Në kohën kur unë e kam mbaruar një kat, një qytetar Tonin Ndoja në mënyrë të paligjshme ka ardhur dhe ka filluar ndërtimet pa leje, duke më zëne pjesën përpara dhe duke lënë objektin tim varrezë. Gjykata ka vendosur prishjen e objektit të paligjshëm.
Përmbarimi i Lezhës refuzon të ekzekutoje këtë vendim. Në vitin 2017 gjykata urdhëron përsëri përmbarimin të prishë ndërtimin pa leje, por kësaj here është përmbaruesi i Shkodrës ai që sorrollat qytetarin me pretendimin që ekspertët topograf nuk paraqiten.
Qytetari: Për ketë që kam kërkuar për inspektimin e ekspertëve si ka reaguar herën e parë? A ke harruar?
Përmbaruesi: I kam lajmëruar, por s’janë paraqitur ata.
Por një tjetër variant kanë ekspertet, të cilët shprehen se nuk janë lajmëruar nga përmbaruesi.
Qytetari: Më fal se po të shqetësoj, kam ardhur sot për së dyti. Ky hotë që unë e kam lajmëruar xxxx për ekspert.
Eksperti: Me dash me na lajmëru kanë ku me na gjet. Ne postieri i kësaj zonë na njef. Ka 3 numra celulari email dhe adresë.
Eksperti: Unë nuk jam lodër e askujt. Ai të më sjellë shkresën me shkrim.
Qytetari: Pse nuk ta sjell letrën me shkrim? Prandaj ti duhet të më ndihmosh mua.
Eksperti: Ai nuk do me lajmëru e merr vesh, nuk do.
Edhe pse zyrat e ekspertëve janë fare pranë zyrës përmbarimore, përmbaruesi e vendos adresën gabim.
Gazetarja: Këto janë 2 letra që janë marrë para 10 minutash nga ju dhe ju thoni adresa jo e plotë. Adresën e dërgoni ju si përmbarues, si ka mundësi që nuk e dërgon të plotë.
Përmbaruesi: Atë adresë kam
Gazetarja: E keni zyrën 100 metër larg dhe numër telefoni keni të zotërinjve që mund t’i merrni në telefon. I keni thënë zotërisë na e sill ekspertin për dore, nuk mundet ky të sjellë ekspertin se janë letra zyrtare.
Mos ekzekutimi i vendimit të gjykatës ka falimentuar biznesin e qytetarit, i cili është bllokuar plotësisht nga ndërtimi pa leje./ oranews.tv
